Ludotekako taldeak osatu dituzte

2020/09/30

Haur bakoitzak astean behin joan ahal izango du Ludotekara. Zerrenda batean jaso dute haur bakoitzari egokitu zaion asteko eguna.

Astelehenean amaitu zen Ludotekan izena emateko epea, eta familien eskaerak aztertu ondoren, haurrak taldeka banatu dituzte. Guztira 84 haurrek eman dute izena, eta horietako bakoitzak astean behin joan ahal izango du Ludotekara. Zerrenda honetan ikus daiteke haur bakoitzari zein egun egokitu zaion.

Halaber, egun bakoitzean bi txanda izango dira: LH1-3ko haurrak 17:00etatik 18:45era egongo dira Ludotekan; LH4-6 bitartekoak, berriz, 19:00etatik 20:00etara.

Ikasturte berezia izango da aurtengoa Ludotekan ere. Halaber, bizi dugun osasun egoerara egokitutako beharrezko neurri guztiak hartuta, aisialdia eta heziketa oinarri, beste urte batez laguntasuna, berdintasuna, talde lana, hezkidetza, ingurumenarekiko errespetua zein haurraren garapen indibidualizatua izango dituzte ardatz Ludotekan.

2020/2021 ikasturteko haurren txandak

Ludotekako taldeak osatu dituzte