0-6 urte bitarteko gurasoei zuzendutako bizipen tailerrak emango ditu Jon Urdineta psikomotrizistak

2025/02/27

Bi saio eskainiko ditu: bata martxoaren 18an, jolasari buruzkoa; bestea apirilaren 1ean, agresibitatea eta identitatearen bueltakoa. Izen-ematea zabalik egongo da martxoaren 7ra bitartean. martxoan eta apirilean. Jolasa eta agresibitatearen inguruko hausnarketak bultzatzea izango da helburua.

Guraso Eskolen barruan, bi bizipen tailer izango dira martxoan eta apirilean. 0 eta 6 urte bitarteko haurren gurasoei zuzendutako saioak dira, eta Jon Urdineta psikomotrizistak gidatuko ditu saioak. Jolasaren garrantziaz ariko dira lehen saioan, eta agresibitatearen eta identitatearen inguruko gaiak jorratuko dituzte bigarrengoan. Bi saioak arratsaldez egingo dituzte, 17:30etik 19:30era bitartean.

Izen-ematea martxoaren 7a baino lehen egin beharko da, Branka Gizarte Zerbitzuen bulegoan edo e-mail bidez (brankaharrera@zumaia.eus). Matrikularen prezioa 20 eurokoa izango da. Antolatzaileek bi gurasoen parte-hartzea gomendatzen dute, eta aurreko urteetan parte hartu ez duten familiek lehentasuna izango dute izena ematerako orduan.

Zumaiako Udala da ekimenaren antolatzailea, eta Eusko Jaurlaritzaren laguntza jaso du programak.

kartelak_GZZ_bizipen (1).png

0-6 urte bitarteko gurasoei zuzendutako bizipen tailerrak emango ditu Jon Urdineta psikomotrizistak
Iazko bizipen tailerretako bat.