Bi markagailu berri kiroldegiko pistan
Zumaiako Udalak 11.000 euro erabili ditu markagailu berriak erosi eta jartzeko. Futbol zelaian, itsas kiroldegian eta bestelako kirol instalazioetan ere hobekuntza gehiago egingo ditu hurrengo astetan.
Kiroldegiko pistak bi markagailu berri izango ditu aurrerantzean, pistaren albo banatan kokatuta. Momentuz pistaren erdialdean dagoen markagailu zaharra ere bertan mantenduko dute, jokalariak kokapen berrira ohitu bitartean.
Pulpo eskubaloi taldearekin batera adostu du Zumaiako Udalak honakoen kokapena: markagailu zaharra harmailetatik ondo ikusten den arren, jokalariek honakoa ikusteko zailtasunak zituzten partidak jokatu bitartean eta aulkietan egon bitartean; horiek horrela, eskubaloi elkartearekin batera adostuta, pistaren albo banatan markagailu bana jartzea erabaki dute. Gainera, jakinarazi dutenez, pistako markagailu berrietan, bi minutuz kaleratuak diren jokalariek kanpoan zenbat denbora daramaten ikusi ahal izango da. Zumaiako Udalak 11.000 euro erabili ditu markagailu berriak erosi eta jartzeko.
Kirol instalazioetan hobekuntza gehiago
-
Futbol zelaiko argiteria berritzea (53.500 euro): 2000. urtean jarritako argiteria zaharkitutta gelditu da, eta LED sistemara aldatuko dituzte orain. Gainera, domotikoki maneiatu daitekeen sistema ezarriko da. Hasiera batean aurrekontua 85.000 eurokoa bazen ere, kopurua 53.000 eurora jaistea lortu da, gerakinerako 35.000 euro utziz.
-
Itsas kiroldegian konponketak (8.993 euro): Arraun Elkartearekin adostuta, Itsas kiroldegian zenbait moldaketa egingo dira. Batetik, erabiltzen ez diren bi ate kenduko dira, eta horien ordez pareta bat eraikiko da. Gainera, segurtasuna bermatzeko, eraiikinaren aldamenean dauden uralitazko lau argi-zulo aldatu egingo dira.
-
Sareak berritzea (1.427 euro): Futbol zelaiko, Sagarbideko pistako eta padel pistetako sareak berrituko dira.
Ez dira legealdi honetan kirol instalazioetan egingo diren lehenengo hobekuntzak, ordea: futbol zelaiko harmailak konpondu dira euria egiten duenean ikusleak busti ez daitezen; futbolariek kolpe txarrak har ditzaten saihesteko konponketa bat egin da zelai berean; Aitzuri pilotalekuan bi aldagela konpondu dira; eta, Sagarbideko pilotalekuan sarea jarri da kontrakantxan.
Albiste erlazionatuak
Kirolak
- Uztailaren 12an amaituko da datorren ikasturteko haurren igeriketa ikastaroetan izena emateko epea 2024/06/28
- Futbol zelaiko argiteria LED teknologiara aldatzen ari da Udala 2024/06/06
- Zumaia inguruko trafikoan aldaketak izango dira larunbatean, Zarauzko Triatloia dela-eta 2024/06/04
- Datorren ikasturteko haurren igeriketa ikastaroetan izena emateko epea zabalik, uztailaren 12ra arte 2024/06/03
Hirigintza
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- Erribera kaleko irisgarritasuna hobetzeko lanak martxan 2024/05/31
- 'Hirigintza inklusiboa, denontzako herria eraikitzeko tresna' hitzaldia eskainiko dute ekainaren 4an 2024/05/31
- Estazio kaleko bide-zirkulazioa hobetzeko lanak egingo ditu Udalak datorren astean 2024/05/24
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19