Barrakek soinu alteraziorik gabeko orduak izango dituzte, haur guztien inklusioa bermatzeko

2024/04/03

Apirilaren 5ean eta 12an barrakek ez dute musikarik edo soinu gogorrik igorriko, 17:00etatik 19:00etara bitartean. Neurri honekin autismoa duten pertsonentzat zein soinuak kalte egiten dien bestelako pertsonentzat espazio erosoa bihurtu nahi da barraken gunea.

Gernika parkeko barrakek soinu alteraziorik gabeko ordu tarteak izango dituzte bi egunez, santelmoetako bi ostiraletan, hain justu. Hori horrela, apirilaren 5ean eta 12an, 17:00etatik 19:00etara bitartean, barrakek ez dute musikarik edo soinu gogorrik igorriko. Neurri honekin, autismoa duten pertsonek zein bestelako beharrak dituzten haurrek barrakez gozatu ahal izan dezaten sustatu nahi da.

Bestalde, Zumaiako Udalak jakinarazi nahi du, festa egunetan barrakak 01:00ak arte martxan egongo badira ere, 22:00etatik aurrera musikarik gabe egongo dela gunea. Neurri honekin bizilagunen deskantsuari mesede egin nahi zaio.

Barrakek soinu alteraziorik gabeko orduak izango dituzte, haur guztien inklusioa bermatzeko