Hamar sagardo etxek eskainiko dute sagardoa Euskal Jai egunean
2019/08/08
Aburuza (Aduna), Bereziartua (Astigarraga), Iparragirre (Hernani), Izeta (Aia), Lizeaga (Astigarraga), Petritegi (Astigarraga), Satxota (Aia), Urdaira (Usurbil), Ekain eta Gartziategi izango dira sagardo dastaketako ekoizleak.
Ostiralean ospatuko den Euskal Jai egunean egingo da sagardo dastatzea Eusebio Gurrutxaga plazan, arratsaldeko 19:00tatik aurrera. Bi zatitan banatuko dituzte postuak: bost Odieta aldean egongo dira, eta beste erdia plazaren hasieran. Bertan egongo dira baita edalontziak salgai. Berrerabilgarriak izango dira eta 2 euroko kostua izango dute. Sagardo dastaketaren ostean edalontzia itzuli ezkero, euro bat emango zaio erabiltzaileari.