Haur sahararrei harrera egin die Zumaiako Udalak

2022/08/23

Hemeretzi haur sahararrei harrera egin zieten atzo Zumaiako udaletxean. Zortzi urte inguruko gazteak uztailaren amaieran iritsi ziren Euskal Herrira, 'Oporrak Bakean' programaren barruan.

Darahli elkarteak kudeatuta, zortzi haur uda pasatzen ari dira Azkoitia, Azpeitia, Zestoa eta Zumaiako harrera-familiekin; gainerakoak, berriz, Kuartango aterpetxean (Araba) igarotzen ari dira uda Darahliko begiraleekin, Tindufeko errefuxiatuen kanpalekuko berotik urrun.

Atzo, itsasontziz bisita gidatua egin ondoren, Iñaki Ostolaza alkateak eta Ainhoa Illarramendi zinegotziak harrera egin zieten udaletxean, eta eskola-materiala zuen motxila bat eman zieten. Taldeko argazkia atera ondoren, haurrak, harrera-familiak eta Darahliko kideak beste itsasontziz Santiago hondartzara joan ziren, arratsalde pasa.
Ekitaldi honekin sahararrek bizi duten egoera ikusarazi nahi izan dute, eta, horrekin atera, Zumaiako gazteek gaiaren inguruan hartutako jarrera eredugarria balioan jarri.
Haur sahararrei harrera egin die Zumaiako Udalak