Herriko saltokiak babesteko asmoz, 2000 erosketa bono jaulkiko dituzte Udalak eta Gertu elkarteak
Kanpainara atxikitu nahi duten establezimenduek ekainak 8 baino lehen egin beharko dute eskaera. Herritarrek 35 euroren truke 50 euroko balioa duten erosketa txartelak erosi ahal izango dituzte, ekainaren 9tik aurrera.
Udako zein Gabonetako ErrotaHerria kanpainen balorazioa positiboa izanik, eta herriko merkataritza, ostalaritza eta zerbitzu enpresa txikiei beste bultzada bat emateko, bono sistema berri bat jarriko du martxan Zumaiako Udalak, Gertu merkatari elkartearekin lankidetzan. Zehazki, 35 euroren truke 50 euroko balioa duten erosketa txartelak jaulkiko dituzte. Herritarrek ekainaren 9tik aurrera erosi ahal izango dituzte bonoak, turismo bulegoan.
Kanpainara atxikitu nahi duten merkataritza, ostalaritza eta zerbitzu enpresa txikiek ekainaren 8ra arteko epea izango dute izena emateko. Horretarako, eskaera orria bete eta zumaiaelkartea@gmail.com helbidera bidali edo turismo bulegora eraman beharko dute. Gertu elkartekoak ez direnek ere parte hartu ahal izango dute bono sisteman.
IZEN-EMATE ORRIA
>> Epea: ekainak 8
>> Info+: zumaiagertuelkartea.eus
Pandemiak herriko komertzioetan eragindako kaltea arintzeko ErrotaHerria kanpaina abiatu zuen Udalak iazko maiatzean. 150.000 euro bideratu zituen kanpainaren baitako bonoetara, eta herritarrei beharrei erantzuteaz gain, tokiko ehun ekonomikoa indartzea izan du helburu. Plan horrekin herriko establezimenduetan 450.000 eurora arteko inpaktu positiboa sortu zela kalkulatzen du Udalak.
Orain arteko ekimenek harrera oso ona eduki dutela kontutan hartuta, Udalak beste 30.000 euro bideratuko ditu kanpaina berrira. Herritarren ekarpenekin batera 100.000 euroko eragin ekonomiko zuzena eragitea aurreikusten du.
35 euro ordainduta, 50 euroko bonoa
Kanpainaren prestaketa lanak amaituta, herritarrek ekainaren 9tik aurrera (amaitu arte) erosi ahal izango dituzte bonoak, turismo bulegoan. Bonoen prezioa 35 eurokoa izango da, eta 50 euroko balioa duen txartela eskuratuko dute herritarrek, Zumaian bertan erabiltzeko. Txartel bakoitzak 20 euroko zati bat, eta 10 euroko hiru zati edukiko ditu.
Bonoak turismo bulegoan egongo dira salgai, ekainaren 9tik aurrera
Herritar bakoitzak bono bakarra eskuratu ahal izango du; hori egiaztatzeko, bonoa eskuratzean bono bakoitzeko NANa edo identifikazio txartel bat erakutsi beharko da.
Bonoak ekainaren 9tik uztailaren 31ra bitartean erabili ahal izango dituzte, kanpainarekin bat egiten duten establezimenduetan.
Albiste erlazionatuak
Zumaia bizitzeko da
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
Merkataritza
- Ostegunetako kinkilleroen azoka Eusebio Gurrutxaga plazan egingo dute aurrerantzean 2024/01/09
- Aurten ere "Eskatu euskaraz, eskaini euskaraz" Zumaian 2023/12/14
- 1.000 erosketa bono jaulkiko dituzte Udalak eta Gertu elkarteak, herriko saltokiak indartzeko 2023/11/13
- Merkataritza lokalak ekintzaile berrien bitartez berreskuratzeko dirulaguntza deialdia argitaratu du Zumaiako Udalak 2023/10/27
ErrotaHerria
- 1.000 erosketa bono jaulkiko dituzte Udalak eta Gertu elkarteak, herriko saltokiak indartzeko 2023/11/13
- Merkatariei zuzenduriko bigarren bilera bat deitu du Udalak, Merkataritza arloko Plangintza Estrategikoa osatzeko 2023/01/10
- Zumaiako merkatariekin bilera egingo du Udalak, Merkataritza arloko Plangintza Estrategikoa osatzeko 2022/12/15
- ZumaianBai plataformaren erabilera sustatzeko zozketak izango dira Gabonetan 2022/12/01