Juan Belmonte kaleko ur hornidura sarea berrituko da datozen hilabeteotan
Zumaiako Udalak 400.000 euro inguru erabiliko ditu sarea osorik berritu eta hartune berriak jartzeko. Gaur egungo hodiak oso zaharkituta daude, eta ur asko galtzen da gune horretan.
Juan Belmonte kaleko ur hornidura sarea kaltetu dago, eta bere balio-bizitza agortu da dagoeneko. Horrek ur kopuru handiak xahutzea dakar, besteak beste. Hori horrela izanik, gune horretako sare osoa berrituko du Udalak, 308 metro lineal zehazki. Gainera, hartune berriak jarriko dira. Lurrazpiko konponketak egin eta gero, eremu osoa asfaltatuko da. 396.340 euro erabiliko dira lan horietarako.
Juan Belmonte kaleko 29. ataritik Amaia plazara arteko hoditeria da berrituko dena, eta hiru fasetan egingo da obra. Lehenengo fasean plaza gorriko guneko hoditeria berrituko da, oinezkoen bidean kokatutakoa. Lan horiek amaituta Amaia plazara arteko hodiak jarriko dira. Horiek horrela, lanak maiatza erdiralderako amaituta egotea aurreikusten da.
Lanek irauten duten bitartean trafikoan aldaketak izango dira. Udalak garaiz jakinaraziko ditu aldaketak.
Eremu honetako ur hornidura sarea da konponduko dena:
Albiste erlazionatuak
Hirigintza
- Moilaberri eraikina eraberritzeko lanak martxan 2025/03/18
- Makinak martxan Larretxon: hasi dituzte Itzurunbideko igogailua egiteko lanak 2025/02/20
- Brigadako bi ofizial igeltsero eta ofizial iturgin bat behin betiko izaeraz kontratatuko ditu Zumaiako Udalak 2025/02/07
- Tentsio handiko etxebizitza eremu izateko bidean da Zumaia 2025/01/31
Auzoak
- Makinak martxan Larretxon: hasi dituzte Itzurunbideko igogailua egiteko lanak 2025/02/20
- Itzurunbidea eta Larretxo auzunea lotuko dituen igogailua egiteko lizitazio prozesua martxan 2024/11/13
- Hastear dira Oikiako Mantzizidorko zubiaren inguruko bidea asfaltatzeko lanak 2024/10/28
- Zabalik dago trenzubiaren azpiko pasabidea 2024/10/16
