San Juan egoitzako pasabidea luzatzeko lanei ekingo diote aste honetan

2025/10/14

San Juan egoitzako irisgarritasuna hobetzeko pasarela luzatzeko lanak hasiko ditu Foru Aldundiak asteazken honetan, urriaren 15ean. Proiektuak herrigunea eta egoitza lotzen dituen ibilbide publikoaren jarraipena egingo du, ingurunea egokitu eta irisgarritasuna bermatzeko helburuarekin.

sanjuan.egoitza.pngPasabidearen luzapena 2019an egindako irisgarritasun-proiektuaren jarraipena izango da. Garai hartan Eusebio Gurrutxaga plaza eta San Juan Egoitza lotzeko lehen fasea egin zuten: igogailua eta zubia eta plazatxo berria, herrigunea eta egoitza arteko irisgarritasuna hobetuz. Orain, ibilbide hori osatuko da, pasabidea San Juan egoitzaren gainontzeko guneetara luzatuz eta bide jarraitu eta irisgarri bat eskainiz.

Proiektua Gipuzkoako Foru Aldundiak gidatuko du, San Juan egoitzaren berritze integralaren testuinguruan. Izan ere, datozen urteetan egoitza osoa eraberritzeko asmoa dago: mojen eraikina eraitsiko da eta instalazio guztiak egungo araudietara egokituko dira, adinekoentzako espazio modernoago eta irisgarriago bat sortzeko helburuarekin. Pasabidearen luzapenak, bada, moldaketa orokor bati erantzuten dio.

Obrak direla-eta, hurrengo hilabeteotan tartekako trafiko aldaketak egongo dira San Jose auzune inguruan. Halako aldaketak garaiz jakinaraziko zaizkie bizilagun guztiei.

San Juan egoitzako pasabidea luzatzeko lanei ekingo diote aste honetan