Landare inbaditzaileak kentzeko jardunaldia egingo dute igandean
Landare inbaditzaileek biodibertsitatean sortzen duten kalteaz jakitun, horiek kentzeko saioa antolatu dute iganderako zenbait eragilek. 50 herritarrek hartuko dute parte auzolanean.
Balio ekologiko handiko eremua da Santiago hondartza, baina espezie exotiko inbaditzaile ugari dago. Oenothera glazioviana, Onagra, Connyza sp zein Carpobrotus espezieak modu artifizialean sartutakoak dira, eta espezie autoktonoek bete beharreko lekua hartzen dute. Mundu osoko biodibertsitatean arazo larriak eragiten dituzte espezie inbaditzaileek, eta dunak bereziki sentikorrak dira espezie horiekiko.
Hori horrela izanik, Santiago hondartzan espezie inbaditzaileak kentzeko saioa egingo dute igande honetan, hilaren 6an. Lurgaia fundazioak eta Decathlon enpresak elkarlanean antolatutako jardunaldia da, Zumaiako Udalaren babesarekin. 50 pertsonak hartuko dute parte saioan, baina dagoeneko plaza guztiak beteta daudela jakinarazi dute antolatzaileek.
Partehartzaileek problematika ezagutzeko hitzaldia entzungo dute saioaren hasieran, eta jarraian, aipatutako espezieak kentzeko auzolana egingo dute. Kendutako landare-hondakinak, betiere eskuz eta errotik kenduta, jardun-eremutik kanpo aterako dituzte parte hartzaileek.
Albiste erlazionatuak
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16