Ludotekako ikasturte hasierako guraso bilera egingo da ostegunean
Ludotekak guraso eta tutoreen bilerarekin hasiko du kurtso berria. Hitzordua ostegunean (hilaren 22an) izango da, 18:30ean euskaraz eta 19:00etan gazteleraz, Ludotekan bertan.
Ludoteka 6-12 urte bitarteko haurrentzako zerbitzua da. Ez da eskola, baina jostailu eta jolasaren bidez haurraren nortasuna garatzea helburu duen zerbitzua da eta umeek zuzeneko arreta jasotzen duten lekua.
Haurrentzat ekintza gidatuak izaten dira egunero, eta jostailuen mailegua eta ekintza bereziak (festak, irteerak...) barnebiltzen ditu zerbitzuak. Astelehenetik ostiralera 17:00etatik 19:30era egoten da irekita, eta astean bi egunez erabili daiteke zerbitzua. Horretaz gain, 10-12 urte bitarteko gaztetxoentzat LudoKeta programa eskaintzen du, hilabetean bi ostiraletan 19:30etik 20:30era. Gainera, guraso eta tutoreentzat informazio zerbitzua eskaintzen du, baita familientzako ekintzak zein jostailu erakusketa ere.
Ludoteka gertutik ezagutzeko, eta funtzionamenduaren berri emateko, LH 1-6 bitarteko haurren guraso eta tutoreentzat bilerak izango dira ostegun honetan (irailak 22) Ludotekan bertan: 18:30ean euskarazko saioa, eta 19:00etan gaztelerazkoa.
Albiste erlazionatuak
Ludoteka
- Udalekuetan parte hartuko duten haurren gurasoekin bilerak egingo dituzte ekainaren 20an 2024/06/11
- Basondora irteera egingo dute Ludotekako lagunek maiatzaren 5ean 2024/04/23
- Haur eta nerabeei zuzendutako txangoak antolatu dituzte udaberriko oporretarako 2024/03/04
- Haur eta nerabeei zuzendutako txangoak eta ekintzak antolatu dituzte neguko oporretarako 2023/12/06
Haurrak
- Udalekuetan parte hartuko duten haurren gurasoekin bilerak egingo dituzte ekainaren 20an 2024/06/11
- Zabalik dago Musi-K udalekuetan izena emateko epea 2024/06/07
- Datorren ikasturteko haurren igeriketa ikastaroetan izena emateko epea zabalik, uztailaren 12ra arte 2024/06/03
- Bizikleta eguna izango dugu Zumaian larunbat honetan 2024/05/29
Herri hezitzailea
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zabalik dago Musi-K udalekuetan izena emateko epea 2024/06/07
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10