Haur eta nerabeei zuzendutako txangoak antolatu dituzte udaberriko oporretarako

Ludotekako eta gazteguneek egitarau bateratua prestatu dute udaberriko oporretarako. Lau irteera antolatu dituzte, bakoitza adin-tarte zehatz bati zuzenduta. Izen-ematea zabalik dago dagoeneko; plaza kopurua mugatua izanik, izen-emate gehiegi badaude, zozketa bidez banatuko dituzte plazak.

Honakoak dira antolatu dituzten txangoak:

Ludoteka:

Ludotekako hezitzaileek bi irteera antolatu dituzte:

• Apirilaren 2an (asteartea) LH 4-6 bitarteko haurrak Adunako Zirkuola zirku lantegira joango dira, Gazteguneko kideekin batera. 

• Apirilaren 4an (osteguna) LH 1-3 bitarteko haurrak Tolosako TOPIC txotxongilo museora joango dira.

Parte hartu nahi dutenek, bi kasutan, Ludotekan eman beharko dute izena, martxoaren 11tik 15era. Plaza kopurua mugatua izanik, beharrezkoa izatekotan zozketa egingo dute. Irteeren prezioa 10 eurokoa izango da. 

Gaztegunea:

Gazteguneko nerabeek, berriz, hiru txangotara joateko aukera izango dute:

• Apirilaren 2an (asteartea) Adunako Zirkuola zirku lantegira joango dira, Ludotekako haurrekin batera. 
• Apirilaren 3an (asteazkena) Getariako Elkano Escape Roomera joango dira.
• Apirilaren 4an (osteguna) Olaberriara joango dira, karting zirkuitura.

Irteera horietan parte hartu nahi duten nerabeek Gaztegunean bertan eman beharko dute izena, martxoaren 17a (igandea) baino lehen.

Albiste erlazionatuak