Haur eta nerabeei zuzendutako txangoak eta ekintzak antolatu dituzte neguko oporretarako
Ludotekako, Gazteguneko eta Kale Heziketa programako hezitzaileek egitarau bateratua prestatu dute gabonetarako. Zerbitzu desberdinetako erabiltzaile diren haur eta nerabeek elkar ezagutzea da helburuetako bat.
Udalaren zerbitzuak dira hirurak, baina bakoitzak adin-tarte jakin bati, eta talde bakoitzaren ezaugarri eta behar konkretuei erantzutea du helburu. Urtean zehar dinamika propioa baldin badute ere, tarteka ekintza bateratuak antolatzen dituzte, zerbitzu desberdinetako erabiltzaile diren haur eta nerabeek elkar ezagutzeko aukera izan dezaten.
Hori horrela, neguko oporrei begira bi ekintza bateratu antolatu dituzte:
Txuri Urdinera irteera (abenduak 28)
Abenduaren 28an (osteguna) Ludotekako LH4-6 bitarteko haurrak eta Gazteguneko zein Kale Heziketa programako nerabeak Txuri Urdinera joango dira, egunpasa. Hona hemen izen-ematearen inguruko informazioa:
-
Ludotekako haurrentzat prezioa 9 eurokoa izango da, eta izen-ematea abenduaren 11tik 15era bitartean egongo da zabalik, Ludotekan bertan.
-
Gazteguneko nerabeentzat sarrera doakoa izango da (bidaia soilik ordaindu beharko dute) eta izen-ematea abenduaren 12an itxiko dute.
Iruña Salting-era irteera (abenduak 29), nerabeentzat
Hurrengo egunean, abenduaren 29an, nerabeei zuzendutako irteera berezia egingo dute. Iruñara joango dira herriko nerabeak, Salto egiteko eta adrenalina deskargatzeko ohe elastikoen espazio handi batera. Hona hemen izen-ematearen inguruko informazioa:
- Gazteguneko nerabeentzat prezioa 8 eurokoa da, eta izen-ematea abenduaren 12an itxiko da.
Zerbitzu bakoitzaren erabiltzaile diren haur eta nerabeak elkarren artean harremandu eta momentuak konpartitzeko helburua izateaz gain, herri mailan eta haur eta nerabeen artean hiru zerbitzuak ezagutarazi nahi dituzte antolatzaileek. Ekintza bateratu horiez gain, zerbitzu bakoitzak antolatutako gabonetako ekintza bereziak izango dira datozen asteotan:
Ludoteka:
Ludoteka itxita egongo da gabon sasoian, baina, aurrez aipatutakoaz gain, honako bi ekintza egingo dituzte:
-
Abenduak 17, igandea: GABONETAKO APAINGARRIAK egiteko tailerra "familia giroan" (LH1-6ko haurrentzat eta euren familientzat). Izen-ematea abenduaren 14an itxiko da.
-
Abenduak 26, astelehena, TXURI URDINera irteera (LH1-3). Izen-ematea abenduaren 11tik 15era bitartean egongo da zabalik, eta Ludotekako bazkideek lehentasuna izango dute. 9 euro ordaindu beharko dira.
Gaztegunea:
Honakoak dira neguko oporretan egingo dituzten ekintzak:
-
Abenduak 27, asteazkena: PALA TXAPELKETA Herri Eskolako frontoian
-
Urtarrilak 2, asteartea: VOLLEYBALL TXAPELKETA
- Urtarrilak 3, asteazkena: JOLASAK ETA BAZKARIA Gaztegunean
- Urtarrilak 4, osteguna: LASER TAG jarduera Donostian
Herri mailan egiten diren ekintzetan ez da partehartzaile kopuruan mugarik zehaztuko. Herritik kanpoko irteeretan, berriz, 24 nerabek parte hartu ahal izango dute.
Ekintza bereziak ez dauden egunetan, astean zehar, arratsaldez eskainiko dute zerbitzua, 16:00etatik 20:00etara.
Albiste erlazionatuak
Ludoteka
Gaztegunea
Hezkuntza
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
Herri hezitzailea
- Basondora irteera egingo dute Ludotekako lagunek maiatzaren 5ean 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18