'Barrutik' argazki lehiaketa jarri dute abian Udalak eta herriko hainbat eragilek
Lehiaketan parte hartzeko mugikorrarekin eta etxean edo etxetik ateratako argazkiak bidali beharko dituzte zumaiarrek. Apirilaren 14ra bitartean bidali daitezke lanak, eta herritarrek Gertu elkartearen sariak lortzeko aukera izango dute.
Etxean egoteko agindua arintzeko 'Barrutik' argazki lehiaketa antolatu du Udalak, Baleike hedabidea, Distira argazki elkartea eta Gertu merkatari eta ostalari elkartearekin elkarlanean.
'Barrutik' argazki lehiaketan mugikorrarekin ateratako argazkiak aurkeztu ditzakete zumaiarrek. Gaia librea da, baina etxean edo etxetik ateratako argazkiak izan beharko dira.
Argazkiak apirilaren 14ra bitartean aurkeztu ditzakete herritarrek, alondegia@zumaia.eus helbidera bidalita (8 megatik beherako artxiboak bidaltzeko eskatu dute antolatzaileek). Mezuan egilearen izen-abizenak eta adina zehaztu beharko dituzte parte hartzaileek, eta gehienez 3 argazki bidaliko dituzte.
Epaimahaia Kultur eta Turismo sailetako teknikariek eta Distira eta Baleikeko ordezkariek osatuko dute, eta bi sari banatuko dituzte: 16 urte bitarteko gazteek Gertu elkartearen dendetan erabiltzeko balea eskuratuko dute, kultur edo kirol materialetan erabiltzeko; 16 urtetik gorakoek Gertu elkarteko jatetxe batean afaria lortzeko aukera izango dute. Gainera, parte-hartzaile guztien artean 50 euroko baliodun bi bale zozkatuko dituzte.
Argazki onenak zumaia.eus webgunean argitaratuko dutela ere azaldu dute antolatzaileek.
Albiste erlazionatuak
Zumaia bizitzeko da
- Gazte ekimenak garatzeko dirulaguntzak eskatzeko epea irailaren 30ean amaituko da 2024/08/30
- Gizontasunaren inguruko hausnarketa tailerrak izango dira urritik abendura bitartean 2024/08/29
- Irailaren 9an zabalduko dute Forondako ikastaroetan izena emateko epea 2024/08/26
- Udako Azoka Ekologikoa hilaren 30ean iritsiko da Zumaiara 2024/08/23
Kultura
- Irailaren 9an zabalduko dute Forondako ikastaroetan izena emateko epea 2024/08/26
- 40 urtetako ibilbidea gogoan, ekitaldi bereziz beteta dator Zumaiako Musika Jaialdia 2024/07/24
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11