Gazte ekimenak garatzeko dirulaguntzak eskatzeko epea irailaren 30ean amaituko da

2024/08/30

Aisialdiarekin lotutako proiektuak, ekintzailetza proiektuak edota ikus-entzunezko lanen produkzioa barnebiltzen ditu, besteak beste; oro har, gazteek edozein arlotan egindako proiektuak. Guztira 5.000 euro banatuko dira, eta, proiektu bakoitzak, gehienez, 2.000 euro arteko dirulaguntza jasoko du. Eskaerak aurkezteko epea 2024ko irailaren 30ean amaituko da.

gazte-ekimenak.pngZumaiako Udalak beste dirulaguntza deialdi bat iragarri du, gazteek komunitatean parte-hartze aktiboa izan dezaten sustatzeko. Ekimen honen bidez, gazteen interesak eta grinak islatzen dituzten proiektuak sustatu nahi ditu Udalak, gazteen garapena eta gizarteari egiten dioten ekarpena sustatuz.

Horretarako, gazteek bultzatutako ekimenak diruz lagunduko dira: guztira 5.000 euro banatuko dira, eta, proiektu bakoitzak, gehienez, 2.000 euro arteko dirulaguntza jasoko du. 100 punturen gainean puntuatuko dira aurkeztutako proiektuak, eta, horren arabera banatuko da ezarritako diru-kopurua.

> Informazio gehiago

Gazte ekimenak garatzeko dirulaguntzak eskatzeko epea irailaren 30ean amaituko da