Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak

2024/07/03

Irailaren 10ean elkartuko dira, ohi bezala, 18:00etan Alondegiko Moila gelan.

2024 _ iraila-abendua.pngUdan zehar zer irakurri pentsatu ez dutenentzat zerrenda bikaina plazaratu du Irakurri matte irakurle-taldeak. Izan ere, dagoeneko jakinarazi dute ikasturte berrian zein liburu irakurri eta landuko dituzten. Ikasturteko lehen saioan Montserrat Roig i Fransitorra idazle katalanaren Gerezi-denbora eleberria aztertuko dute; irailaren 10ean elkartuko dira horretarako.

Beste hiru liburu ere izango dituzte hizpide urtea amaitu bitartean: urriaren 8an Iñigo Astizen Monogamoak aztertuko dute, idazlea bertan dela; azaroaren 12an Joyce Carol Oates idazle estatubatuarraren Bortxaketa. Amodiozko istorio bat eleberria; eta, urtea bukatzeko, abenduaren 10ean, Francesco Pasqualeren bosgarren arima, Unai Elorriaga idazlearen konpainian.

Uxue Alberdi idazle eta literaturzaleak gidatzen duen irakurle taldeak hamahirugarren ikasturtea izango du Zumaian. Hilabetean behin Alondegiko Moila gelan bildu izan dira taldekideak, irakurritakoak norberari zer ekarri eta iradoki dion partekatzeko. Astearteetan egiten dituzte saioak, 18:00etan.