Santiagoko dunetatik landare inbaditzaileak kentzeko auzolana egingo dute hilaren 29an

Santiago hondartza balio ekologiko handiko eremua da, baina espezie exotiko inbaditzaile ugari daude bertan. Oenotera glazioviana, Onagra, Connyza sp edo Carpobrotus bezalako espezieak modu artifizialean sartutako landareak dira, eta espezie autoktonoek bete beharko luketen lekua hartzen dute. Espezie exotiko inbaditzaileak arazo izugarria eragiten dute mundu osoko biodibertsitatean, eta dunak bereziki sentikorrak dira espezie horiekiko.

Horiek horrela, Santiago hondartzako dunetan espezie exotiko inbaditzaileak (EEI) deuseztatu eta kontrolatzeko auzolan saioa egingo dute urriaren 29an, asteartean. Auzolangileak 17:30ean elkartuko dira Santiago hondartzara sartzeko aldapan.

Saioa hasi aurretik gaiaren inguruko azalpenak emango dituzte, eta argibide zehatzak emango dituzte landareak identifikatu eta horiek modu seguruan ateratzeko. Aipamen laburren ostean zenbait landare exotiko inbaditzaile erauziko dituzte guztien artean.

Izen-ematea:

Partaide kopurua mugatua izanik, beharrezkoa izango da aurrez izena ematea. Horretarako ingurumena@zumaia.eus e-mailera idatzi beharko dute parte hartu nahi dutenek, urriaren 27a (igandea) baino lehen.

Albiste erlazionatuak