'Tipi-tapa!' programan parte hartzera deitu dituzte Zumaiako adinekoak
Asteazkenetan elkartzen dira, taldean ordubete inguruko ibilaldiak egiteko. Jarduera honen helburu nagusiak dira adinekoen osasun egoera hobetzea eta aisialdi jarduerak sustatzea. Jarduera fisikoa egiteaz gain, bakardadea saihesteko eta lagunarteko espazioak sortzeko aukera bikaina eskatzen ditu programak.
Jakina da jarduera fisikoak pertsona guztien osasun-egoeran islatzen dituen onurak. Adineko biztanlerian kasuan garrantzi handiagoa du, gainera. Era berean, jarduera fisiko erregularra egitea lehentasunetako bat da osasun egoera mantendu zein hobetzeko, gaixotasun kronikoak zein endekapenezkoak prebenitzeko ere balio du, gainera.
Horiek horrela, programa honek aukera ematen die Zumaiako adinekoei jarduera fisikoa lagunartean egiteko. Astean behin, asteazkenetan, ordubeteko ibilaldiak egingo dituzte programan izena ematen dutenek. Ibilaldian zehar mugikortasuna, koordinazioa eta indarra lantzeko aukera izango dute partaideek, betiere norberaren gaitasun eta aukeren arabera. Saio horiek gidatzeko boluntarioak izango dituzte lagun.
Izen-ematea
Interesa dutenek Udaleko Gizarte Zerbitzuekin jarri beharko dute harremanetan izena emateko. Horretarako 943 86 22 00 telefono zenbakira deitu edo brankaharrera@zumaia.eus e-mailera idatzi beharko dute. Aurrez aurre ere eman daiteke izena, Gizarte Zerbitzuen bulegoetan.
Boluntario moduan parte hartu nahi dutenak ere Gizarte Zerbitzuekin harremanetan jartzera deitu dituzte.
Branka | Zumaiako Udaleko Gizarte Zerbitzuak
Aizkorri kalea 4
Astelehenetik ostiralera: 08:15-14:30
Albiste erlazionatuak
Adinekoak
- Zumaia, nagusiekin eta nagusiontzat 2024/05/13
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30
- Ile-apainketa eta podologia zerbitzuak betetzeko baldintzen pleguak argitaratu ditu udalak 2024/01/11
- Oroimena lantzeko tailerrean izena emateko aukera, ostiralera arte 2024/01/11
Gizarte Zerbitzuak
- Lankidetza sustatzen duten jardueretarako dirulaguntzak eskatzeko epea zabalik, ekainaren 10era arte 2024/05/10
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gizarte zerbitzuen alorrean lan egiten duten elkarteei zuzendutako dirulaguntzak eskatzeko epea zabalik 2024/05/09
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05