Udako Azoka Ekologikoa hilaren 30ean iritsiko da Zumaiara

Biolur elkarteak eta Zumaiako Udalak elkarlanean antolatuta, udako azoka ekologikoa Zumaian izango da beste urte batez. Abuztuaren 30ean 10:00etan hasiko da azoka Eusebio Gurrutxaga plazan, eta bertaratzen direnek barazkiak, gaztak, eztia, ogia, marmeladak, olioa, arrautzak, eta, sagardo, ardo eta zukuak aurkituko ditu, besteak beste. 

Gainera, 12:00etatik 14:00etara ekoerrezetak ezagutzeko aukera izango da bertan, Miriam Chefintegrativa-ren eskutik.

5 euroko 45 bono

Herritarrak azoka ekologikora joan daitezen bultzatu asmoz, Ekolurra elkarteak elikagaiak erosteko 45 bono jarri ditu zumaiarren eskura.

5 euroko balioa duten txartelak dira, eta turismo bulegoan eskuratu ahal izango dira abuztuaren 26tik aurrera (astelehena). 18 urtetik gorako zumaiarrek hartu ahal izango dute txartela, pertsona bakoitzeko bakarra.

Albiste erlazionatuak