'Zure platerean hasten da mundua' dokumentala, asteazkenean Aita Mari zineman
Landarlan Ingurumen Elkarteak eta ON Produkzioak-ek elkarlanean egindako film dokumentala emango dute datorren asteazkenean (hilaren 24an), 18:00etan Aita Mari zineman. Proiekzioaren ondoren dokumentalean parte hartu duten aktoreekin solasaldia egingo dute.
Zumaiako Udalak dokumental proiekzioa eta solasaldia antolatu ditu asteazken arratsalderako. Zure platerean hasten da mundua ikus-entzunezkoa emango dute, 18:00etan Aita Mari zineman.
Agroekologiaren, eta, bertako eta garaiko produktuak kontsumitzearen garrantzian azpimarra egiten du lan honek. "Bizi dugun krisi ekosozialak gure bizi ohiturak errotik aldatzea eskatzen digu", azaltzen dute egileek, eta, proiektu honetan, iraultza horri ekiteko osagai eta tresnak aurkezten dituzte. Emanaldia bukatzerakoan, solasaldia egingo dute filmean parte hartu duten kideekin.
Sinopsia
Ez dira elikagai ekologikoak bakarrik! Bertako eta garaiko produktuak dira, bidezko eta gertuko tratuan oinarrituak. Ingurumena eta honen mugak errespetatuz komunitate sendo eta osasuntsuak eraikitzeko bide bat.
Albiste erlazionatuak
Ingurumena
Elikadura
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18