Zabalik dago udaleku irekietarako koordinatzaile eta begirale postuetara aurkezteko epea

2023/02/20

Bi zerrendetan izen emateko azken eguna martxoaren 15a izango da (hau barne). Eskaera udaletxean bertan zein telematikoki egin ahal izango dute interesdunek.

Udan egin ohi diren udaleku irekietarako koordinatzaile eta begirale postuetarako oinarriak eta deialdia argitaratu berri ditu Udalak. Postu bakoitzerako zerrenda bat osatuko da, eta bi postuetarako hautagai izan nahi duenek bi zerrendetan eman beharko dute izena.

Udaleku irekien helburua da 3-12 bitarteko haurrentzat gozamen espazio ludikoa eskaini eta horiekin balioak lantzea, hala nola, euskararen sustapena, autonomia pertsonala, berdintasuna edota elkarbizitza.

Izen emateko epea otsailaren 20tik martxoaren 15era (hau barne) egongo da zabalik. Eskaera udaletxean bertan zein telematikoki egin ahal izango dute hautagai izan nahi dutenek.

Lan eskaintzen inguruko informazio guztia:
>> UDALEKUETAKO BEGIRALEAK
>> UDALEKUETAKO KOORDINATZAILEAK

Zabalik dago udaleku irekietarako koordinatzaile eta begirale postuetara aurkezteko epea