Zabalik daude eskualdeko hiru garbiguneak

2020/04/27
Eskualdeko hiru garbiguneak daude irekita, baina langile profesionalei eta udal zerbitzuei bakarrik emango zaie zerbitzua.

Pasa den apirilaren 14an oinarrizkoak ez diren jardun ekonomiko batzuk martxan jarri zirenez geroztik, martxan dira eskualdeko garbigune-zerbitzuak. Eskualdeko 3 garbiguneak daude irekita, ohiko ordutegian. Edozein kasutan, langile profesionalei eta udal zerbitzuei bakarrik emango zaie zerbitzua.

Aldi berean, herritarrei gogorarazten zaie erabat debekatuta dagoela garbiguneen kanpoaldean hondakinak uztea.

Kokapena eta ordutegia

Urola Kostan hiru garbigune ditugu: Zarautzen (Abendaño industrialdea); Zumaian (Joxe Mari Korta industrialdea) eta Aia-Orion (Ubegun industrialdea). Hiru garbiguneak zabalik daude ordutegi honetan:
    • Astelehenetik ostiralera: 8:30-13:30 / 16:30-18:30
    • Larunbatak: 10:00-12:30
    • Igande eta jaiegunak: itxita

Argibideak

Informazio gehiago edota argibideak jasotzeko, hauek dira garbiguneetako arduradunekin zuzenean harremanetan jartzeko bideak:

    • Aia-Orioko garbigunea: 943 13 41 39 / garbiguneazarautz@urolakosta.eus
    • Zarauzko garbigunea: 943 13 50 97 / aiaoriogarbigunea@urolakosta.eus  
    • Zumaiako garbigunea: 943 86 04 41 / garbiguneazumaia@urolakosta.eus