Zabor tasen egutegi berria zehaztu eta diru-sarrerarik jaso ez duten enpresa txikiei dagokien tasa ez aplikatzea erabaki du Urola Kostako Udal Elkarteak

2020/04/28

Zergadunak izaten ari diren “inpaktu ekonomiko negatiboari aurre egiteko neurriak hartzea” izan da bost udalerriek osatutako elkartearen asmoa.

Zabor tasen egutegi berria zehaztu du Urola Kostako Udal Elkarteak, Covid-19ak eragindako egoera kontuan hartuta. Honakoa da egutegi berria:

 

2020. urterako aurreikusi diren borondatezko ordainketa-epeak

Helbideratutako ordainagirien kobrantza-eguna

2020ko 1. hiruhilekoa

2020.06.15-2020.07.27

2020.06.15

2020ko 2. hiruhilekoa

2020.08.17-2020.09.30

2020.08.17

2020ko 3. hiruhilekoa

2020.10.30-2020.12.11

2020.10.30

 

Era berean, alarma egoeran ezarritako ixteko aginduaren ondorioz, inolako diru-sarrerarik ezin sortuta diren eskualdeko eragile ekonomikoei, izan merkataritzako saltoki txiki, izan ostalaritza nahiz bestelako enpresei, zabor tasarik ez aplikatzea onartu du Urola Kostako bost udalerriak barne biltzen dituen elkarteak. Ondorioz, tasa zati proportzionalean likidatuko da.