Haritzak, arteak eta intxaurrondoak landatu dituzte Zuhaitz Egunean
Oikiako eskolaren pareko belardian eta Marianton parkean zuhaixkak landatu dituzte gaur goizean. Pirritx, Porrotx eta Marimototsek oparitutako intxaurrondoa ere jarri dute, “joandako lagun eta senideak, eta horiekin pasatako une goxoak gogoratzeko”.
Zumaiako Herri Eskolako, Oikiako Eskolako eta Zumaiena ikastetxeko ikasle eta irakasleek, lorezaintza zerbitzuko kideek eta udal ordezkariek hartu dute parte aurtengo Zuhaitz Egunean. Haritzak, arteak eta intxaurrondo zuhaixkak sartu dituzte Oikiako eskolaren pareko belardian eta Marianton parkean. Arbola horien ezaugarriak ezagutzeaz gain, horiek zaintzeko egin beharrekoak jakiteko aukera izan dute haur eta gaztetxoek.
Horrelako ekimenen bitartez ingurumenaren jasangarritasuna indartu eta bultzatzea, eta herritarrak ingurumenaren zaintzak duen garrantziaren inguruan kontzientziatu eta sentsibilizatzea ditu helburu Udalak. Halaber, Agenda 2030 programaren baitako 15. helburuaren lanketa egiteko baliatuko da ekimena. Lurreko ekosistemen bizitzari dagokio 15. helburua, eta zentzu horretan, zuhaitzek eta basoek gure bizitzetan eta ekosisteman duten garrantzia eta eragina lantzen ari dira eskoletan.
Aurtengoan, egoerak hala behartuta, Zuhaitz Egunean ikasleen ordezkari talde batek soilik parte hartu ahal izan du. Edonola ere, ikasitakoa gelakideekin lantzeko aukera izango dute partaideek.
Joandako lagun eta senideak gogoratzeko intxaurrondoa
Zuhaitz Egunaren aitzakian, Marianton parkean Pirritx, Porrotx eta Marimototsek inauterietako ekitaldian Zumaiako herriari oparitutako intxaurrondoa ere landatu dute gaurkoan.
Intxaurrondoa eta zuhaixkaren eremua “joandako lagun eta senideak, eta horiekin pasatako une goxoak gogoratzeko” tokia izango da. Zumaiako haurrek aukeratu zuten joan den astean zuhaixka non kokatuko zen.
Albiste erlazionatuak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Hezkuntza
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
Ingurumena
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Hasi dituzte Eguteraren eguzki parkea eraikitzeko lanak 2024/06/07
- Futbol zelaiko argiteria LED teknologiara aldatzen ari da Udala 2024/06/06
- Kamioneta elektriko berria Udal Brigadarentzat 2024/04/11
Herri hezitzailea
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zabalik dago Musi-K udalekuetan izena emateko epea 2024/06/07
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10