Eskola kirol egokituan izena emateko epea zabalik
Desgaitasunen bat duten Aizarnazabal, Zestoa, Zumaia, Deba eta Itziargo haur eta gazteek parte hartu ahal izango dute eskola kirol egokituan. Astean bitan elkartuko dira Zumaian, lehorreko zein uretako kirol jarduerak egiteko. Izen-ematea zabalik dago, azaroaren 29ra arte.
Desgaitasunen bat duten haur eta gazteei zuzendutako eskola kirola jarriko dute martxan Urola Kostako mendebaldeko hainbat udalerritan. Gipuzkoako Foru Aldundiko, Gipuzkoako Kirol Egokituen Federazioko, Aizarnazabalgo, Zestoako, Zumaiako, Itziarko eta Debako udaletako ordezkariek eman dute proiektuaren berri. Urte berriarekin batera hasiko dira jardunaldiak, eta izen-ematea zabalik dago dagoeneko, azaroaren 29ra arte.
Mari Karmen Arregi Aizarnazabalgo alkatearen arabera, Gipuzkoan hamar pertsonatik batek du ezgaitasun ziurtagiria. Herritar horiek guztien eskubidean bermatzeko, eta desgaitasunen bat duten haur eta gazteek “kalitatezko” eskola kirola bermatua izan dezaten elkartu dira udalek, aldundiak eta federazioak.
Astean bi saio, Zumaian
Aizarnazabal, Zestoa, Zumaia, Deba eta Itziargo haur eta gazteak Zumaian elkartuko dira, astean bitan. Antolatzaileek bi talde osatzea aurreikusten dute: bata, astelehen eta ostiraletan elkartuko da; bestea, asteazken eta ostiraletan. Lurreko jarduerak egingo dituzte egun batean, eta igerilekuan izango da bigarren saioa. Aurtengoan 36 euroko kuota ordaindu beharko dute partaideek.
Izen-ematea azaroaren 29ra bitartean egongo da zabalik, tokian tokiko zerbitzuetan. Zumaiarren kasuan, 6 eta 16 urte bitartekoen izen-ematea eskoletako kirol eskola koordinatzailearen bidez egin beharko da; 16 urtetik gorakoek zein Zumaian eskoletan ikasten ez duten zumaiarrek kiroldegian eman beharko dute izena.
Izen emate prozesuaren edo eskaintzaren inguruko informazio gehiago nahi dutenek, Gipuzkoako Kirol Egokituen Federaziora deitu dezakete: 943 462 514.
Elkarlanaren emaitza
Iñaki Ostolaza Zumaiako alkatearen esanetan “udalerri txiki eta ertainetan ezgaitasuna duten haur eta gazteen premiei erantzun ahal izateko” elkartu dira. Izan ere, “kolektibo hori bi aldiz kaltetua da, desgaitasuna edukitzeagatik eta landa eremuetan edo herri txikietan bizi direlako”. Egitasmoarekin bi egoera horiek irauli nahi dituzte.
Libana Taboada Gipuzkoako Foru Aldundiko kirol teknikariak ere elkarlanaren beharra nabarmendu du. Gipuzkoako Eskola Kirol Egokituaren sarea osatzen ari direla azaldu du: “guztira 15 sare inguru daude martxan, eta 200 pertsonak hartzen dute parte”. Halaber, eskerrak eman dizkie eskolei, Berritzeguneei, Gizarte Zerbitzuei zein udalei halako zerbitzuak indartzeko egiten ari diren ahaleginagatik. Jarduera fisikoaren bidez gizarte inklusioari lehentasuna eman nahi dio Gipuzkoako Fordu aldundiak.
Albiste erlazionatuak
Kirolak
Hezkuntza
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
Herri hezitzailea
- Basondora irteera egingo dute Ludotekako lagunek maiatzaren 5ean 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28