Prest dago plazerari buruzko ihes-gela
12 urtetik gorako taldekako esperientzia da, eta partaideek zenbait erronka gainditu beharko dituzte 60 minututan gelatik ihes egin ahal izateko. Urriaren 2ra bitartean herriko gazteek izango dute txanda hartzeko lehentasuna; horretarako, Gaztegunera jo beharko dute.
Bonbillobekoa kaleko 6. atariaren ondoan ate deigarri bat dago aste honen hasieratik, eta inork ez daki barruan zehazki zer dagoen. ihes-gela berezi bat prestatu dute hainbat eragileren artean bertan, plazeraren inguruan hausnartzeko. Martxoa amaierara bitartean, asteazkenetik larunbatera egongo da atea zabalik, eta partehartzeko txanda hartu beharko da.
Partehartzaileak plazeraren inguruan hausnartzera gonbidatzen dituen jarduera pedagogiko eta ludiko moduan definitzen dute antolatzaileek. Scape room bezala ere ezagutzen den jarduera honetan, bi eta bost pertsona arteko taldetan erlojuaren kontra ariko dira; plazerarekin lotutako galderak eta erronkak gainditu beharko dituzte, 60 minutuan gelatik irtetea lortzeko helburuarekin.
Zer da? Zerk eragiten dit eta digu? Non plazaratzen dugu? Zentzumenek zein papera betetzen dute? Zein da plazerren plaza? Nora eraman gaitzake plazerak? Denbora edo espazioan neurtuko zenuke? Galdera, erronka, bizipen anitzak egongo dira baina oraingo honetan taldean elkartu, izen etorri PLAZerA ihes-gela pedagogikora eta egin aurre froga, enigma eta erronkei, oso adi egon beharko duzue, irtetea ez baita erraza izango!!!
PLAZerA ihes-gela jarduera, Sorginlore Gizarte Elkarteak eta Ikertze Kultur elkarteak antolatu dute, eXperientziak elkartea eta Ana Orozko arte zuzendariarekin batera, Zumaiako Udalarekin elkarlanean eta eLankidetza: Lankidetzarako eta Elkartasunerako Euskal Agentziaren babesari esker.
Hartu txanda
12 urtetik gorako herritar guztiek sartu ahal izango dute PLAZerA ihes-gelan, baina beharrezkoa izango da aurrez txanda hartzea. Bi aukera egongo dira horretarako, eta, lehen astean, herriko gazteek izango dute lehentasuna:
- Irailaren 26tik urriaren 2ra: Gaztegunean eman beharko da izena (aste honetan Zumaiako gazteek izango dute lehentasuna)
- Urriaren 3tik aurrera: webgunetik hartu beharko da txanda
2024ko urriaren 3tik 2025eko martxoaren 29ra
Asteazkenetik larunbatera
Saioak
- Asteazken, ostegun eta ostiraletan: 16:30 | 18:00
- Larunbatetan: 10:30 | 12:00
Albiste erlazionatuak
Berdintasuna
- Zumaiako Udalaren adierazpena, Martxoaren 8a dela-eta 2025/03/07
- More dator martxoa Zumaiara, feminismoa aldarrikatu eta gozatzeko egitarau zabalarekin 2025/02/28
- Arrakasta handia izaten ari da PLAZerA ihes-gela, eta txanda berriak gehitu dituzte 2025/02/12
- 19,8 milioi euroko aurrekontua izango du Zumaiako Udalak 2025ean, 'orain arteko bidean sakontzeko' 2024/12/04
Hezkuntza
- Zumaiako 'Appa Hi!' aurkeztu dute, hitanoa praktikatzeko eta ikasteko mugikorretarako aplikazioa 2025/03/20
- 0-6 urte bitarteko gurasoei zuzendutako bizipen tailerrak emango ditu Jon Urdineta psikomotrizistak 2025/02/27
- Zabalik dago Zumaian Musika, Dantza eta Antzerkia irakasteko zerbitzua emateko esleipen prozesua 2025/02/19
- Arrakasta handia izaten ari da PLAZerA ihes-gela, eta txanda berriak gehitu dituzte 2025/02/12
Herri hezitzailea
- 2 eta 14 urte bitarteko haur eta nerabeei zuzendutako udaleku eskaintza zabala udarako 2025/03/28
- Arrakasta handia izaten ari da PLAZerA ihes-gela, eta txanda berriak gehitu dituzte 2025/02/12
- Herriko ekosistemei buruzko egutegia landu du Euskara Zerbitzuak 2024/12/12
- [BIDEOA] ZHEko Aita Mari eraikineko lehen solairua eraberritu du Udalak 2024/10/31
Zumaia bizitzeko da
- Badator Lapetan, euskararekin jolas egiteko 2025/04/01
- 1.000 erosketa bono jaulkiko dituzte Udalak eta Gertu elkarteak, udaberriko ErrotaHerria kanpainaren barruan 2025/03/31
- Kiroldegiko energia kontsumoaren ia herena eguzki-plaken bidez hornituko da 2025/03/31
- 2 eta 14 urte bitarteko haur eta nerabeei zuzendutako udaleku eskaintza zabala udarako 2025/03/28
