90 urteko zumaiarrak omenduko dituzte igande honetan
Ekainaren 13an (igandea) 90 urteko zumaiarrak omentzeko ekitaldia egingo dute Zumaiako Udalak eta Beheko Plaza elkarteak. 12:30ean izango da omenaldia, Aitzuri frontoian.
Ohiturari jarraituz, Zumaiako Udalak eta Beheko Plaza Jubilatu eta Pentsionista Elkarteak, 90 urteko zumaiarrak omentzeko ekitaldia antolatu dute igande honetarako. Omenduak senideekin batera parte hartuko dute ekitaldian.
Zutrik trikitilari alaituko du ekitaldiaren hasiera, eta jarraian, herriko adinekoek Iñaki Ostolaza Zumaiako alkatearen eta Arritxu Bidasoro Beheko Plaza Elkarteko lehendakariaren agurra jasoko dute. Ondoren, trikiti-soinu artean, beraiei zuzendutako bertsoa entzuteko aukera ere izango dute. Jarraian, opari bana jasoko dute 90 urteko herritarrek, eta ekitaldia amaitzeko, mokadutxo bat jateko aukera izango dute bertaratutako guztiek.
Aurten 27 zumaiarrek bete dituzte edo beteko dituzte 90 urte. Horietatik 18 igandeko omenaldian izango dira, beraien senideek lagunduta. Ekitaldian parte hartzen ez duten herritarrek ere oparia jasoko dute datorren astean zehar.
Albiste erlazionatuak
Zumaia bizitzeko da
- Abante! jarduera fisikoaren orientazio zerbitzua jarri du abian Udalak 2026/02/19
- Ikusgai daude Torreagako BOE etxebizitzen zozketan parte hartzeko onartu eta baztertuen behin-behineko zerrendak 2026/02/05
- Komentuko lorategiaren irekiera ekitaldia egingo dute otsailaren 7an 2026/01/30
- Ostiral honetan amaituko da Torreagako Babes Ofizialeko Etxebizitzen zozketan parte hartzeko izen-ematea 2026/01/29
Gizarte Zerbitzuak
- Egoitzetan aldibaterako egonaldiak egiteko eskabidea aurkezteko epea zabalik 2026/01/26
- Eguneko Zentroaren 21. urteurrena ospatzen ari dira 2025/10/21
- Bizitzaz eta heriotzaz hitz egiteko gakoak landuko dituzte aurtengo Guraso Eskoletan 2025/10/08
- Asteartean (irailak 30) amaituko da oroimena lantzeko tailerrean izena emateko epea 2025/09/25
