Bizitzaz eta heriotzaz hitz egiteko gakoak landuko dituzte aurtengo Guraso Eskoletan

2025/10/08

Urriaren 27an suizidioaren prebentzioaz ariko dira, Biziraun elkartearen eskutik; azaroaren 4an, berriz, haur eta nerabeekin heriotzaz hitz egiteko moduez ariko dira, Miren Rosen eskutik. Bi hitzaldiotan parte hartzeko beharrezkoa izango da aurrez izena ematea. Aurrerago, 0-6 urte bitarteko haurren gurasoei zuzendutako bizipen tailerrak ere izango dira.

kartelak_GurasoEskolak.jpgZumaiako Guraso Eskolak 0 eta 18 urte bitarteko haur eta nerabeen guraso eta tutoreei zuzendutako prestakuntza-programak dira. Helburua da gurasoak heziketa-prozesuan inplikatzea, bidelaguntza eskaintzea eta gurasoen arteko sareak sendotzea. Programa hau Zumaiako Udalak antolatzen du, Gizarte Zerbitzuek, Hezkuntza eta Gazteria sailek elkarlanean, eta Eusko Jaurlaritzaren, Gipuzkoako Foru Aldundiaren eta Treba Gurasoak programaren laguntza dauka.

Urtero bezala, egitarauak hitzaldiak eta bizipen tailerrak uztartzen ditu: lehenengoek gai espezifikoak jorratzen dituzte aditu ezberdinen eskutik, eta bigarrenek esperientzien bidezko ikaskuntza eskaintzen dute, hausnarketarako eta partekatzeko espazio gisa.

Honakoak dira aurtengorako antolatu dituzten ekitaldiak:

HITZALDIAK:

  • Urriak 27, astelehena: Suizidioa prebenitu, bizitza sustatzeko (Biziraun elkartearen eskutik). Izen-ematea: urriak 13-23 (brankaharrera@zumaia.eus)
  • Azaroak 4, asteartea: Nola hitz egin heriotzaz haur eta nerabeekin? (Miren Rosen eskutik). Izen-ematea: urriak 27-azaroak 3 (brankaharrera@zumaia.eus)

BIZIPEN TAILERRAK:

Bizipen tailerrean guraso moduan hobeto sentitzeko, hoberena dena egiteko, soluzioak bilatzeko, hausnartzeko, partekatzeko... aukera izango dute gurasoek. 0-6 urte bitarteko haurren gurasoei zuzendutako programa da honakoa, eta aurten bi saiokoa izango da. Izen-ematea urtarrilean zabalduko da.

Bizitzaz eta heriotzaz hitz egiteko gakoak landuko dituzte aurtengo Guraso Eskoletan