Egoitzetan aldibaterako egonaldiak egiteko eskabidea aurkezteko epea zabalik

2026/01/26

Mendetasun-egoeran dauden adineko pertsonentzat eta desgaitasuna duten pertsonak egoitzetan aldibaterako egonaldiak egitea ahalbideratzen du, eta helburua da pertsona horien zaintza-lanetan aritzen direnei atseden hartzeko aukera ematea.

Aldi baterako egoitza egonaldien programa honen bidez, etxean bizi diren baina zainketa-behar bereziak dituzten pertsonei arreta egokia ematea da helburua. Horrez gain, programak zaintzaileei eta familiei atseden hartzeko aukera eskaintzen die, egoera jakin batzuetan —oporrak, gaixotasuna, nekearen pilaketa edo bestelako beharrak direla medio—.

Egonaldiak aldi baterakoak dira, eta kasu bakoitza banan-banan baloratzen da, zaintzailearen zein zaindua den pertsonaren egoera pertsonala, soziala eta familiarra kontuan hartuta. Zerbitzuak eguneroko zaintza, arreta pertsonala eta egoitzako baliabideak jasotzeko aukera ematen du, betiere indarrean dagoen araudiaren arabera.

Programa honi buruzko informazioa, balorazioa eta izapidetzea Zumaiako Udaleko Gizarte Zerbitzuen Sailaren bidez egiten da. Horretarako, beharrezkoa da erreferentziazko gizarte-langilearekin hitzordua eskatzea.

Informazioa, egoeraren balorazioa eta tramitazioa:

Beharrezkoa da erreferentziazko gizarte langilearekin hitzordua hartzea:

GIZARTE ZERBITZUAK
BRANKA ERAIKINA (Aizkorri 4)
943862200
brankaharrera@zumaia.eus

Egoitzetan aldibaterako egonaldiak egiteko eskabidea aurkezteko epea zabalik