Anariren kontzerturako gonbidapenak, bihartik aurrera Turismo Bulegoan

2020/08/20

Abuztuaren 22an, larunbatean, Anarik kontzertua emango du Zumaiako Herri Eskolan. Kontzertua ikusteko beharrezkoa izango da aurrez gonbidapena hartzea; bihartik aurrera izango dira eskuragarri Turismo Bulegoan. Abuztuaren 29an ospatuko den DardaraFest ekitaldirako gonbidapenak abuztuaren 24an jarriko dituzte eskuragarri.

Larunbat honetan, abuztuaren 22an, Anari Zumaian izango da; Herri Eskolan emango du kontzertua, arratsaldeko 19:30ean. Egun bizi dugun osasun egoera dela eta, kultur ekitaldietan betetze-maila neurtu behar denez, beharrezkoa izango da aurrez gonbidapena hartzea, eta ikusleek hainbat neurri bete beharko dituzte ekitaldian zehar.

Gonbidapenak bihartik aurrera (abuztuak 21) egongo dira eskuragarri Turismo Bulegoan, 10:00etatik 14:00etara eta  15:00etatik 19:00etara). Pertsona bakoitzak bi txartel hartu ahal izango ditu gehienez.

Abuztuaren 29an, DardaraFest

DardaraFest jaialdia Herri Eskolan ospatuko da aurten, abuztuaren 29an. 18:00etan hasiko da jaialdia eta hiru talde hauek izango dira bertan: Natali, Moura eta Nago ta ni.

Gonbidapenak abuztuaren 24tik aurrera eskuratu ahal izango dira, Turismo Bulegoan.

Anariren kontzerturako gonbidapenak, bihartik aurrera Turismo Bulegoan