Axular ibiltokiko errepidean abiadura-murriztaileak jarriko ditu Udalak, auzokideen eta ikasleen segurtasuna bermatzeko

2020/09/21
Errepidean lau abiadura-murriztaile jarriko dira, baita seinale gehiago ere. Era berean, zebrabideetako batean oinezkoen ikuseremua hobetuko da.

Axular ibilbideako errepidean 30 kilometro ordukoa da gehienezko abiadura, eta abiadura neurtzen duten radar informatzaileak daude bertan. Egun eremu arriskutsua izaten jarraitzen duela ikusirik, neurri gehiago hartuko ditu Udalak, auzokideen eta Zumaienako ikasleen segurtasuna bermatzeko. Errepidean lau abiadura-murriztaile edo baden jarriko dira, eta Axular ibiltokiko erdiko zebrabideko ikuseremua hobetzeko, alde bakoitzean aparkaleku bana kenduko da. Horrez gain, errepidean seinale gehiago jarriko dira.

Zumaiena ikastetxearekin eta guraso elkartearekin batera aztertu du gaia Udalak, eta ikasleen zein auzokideen segurtasuna bermatzeko hainbat neurri hartzea erabaki da. Aste honetan zehar egingo dira lanak.