Euskaraldiaren amaiera ekitaldia egingo dute bihar, Beheko plazan

2020/12/03
Zumaian 1500dik gora belarriprest eta ahobizi izan dira, hamabost egunez ahozko hizkuntza-ohitura aldaketan murgilduta. Ekimenaren sustatzaileek bihar arratsaldeko 18:00etan Beheko plazan biltzera deitu dituzte zumaiarrak.

Ostiral honetan amaituko da Euskaraldiaren bigarren edizioa. Hamabost egunez ehunka euskal herritar ahozko hizkuntza-ohiturak aldaketzeko ariketa sozial masiboan murgilduta egon dira, eta Zumaian ere herritar eta entitate ugari elkartu dira Euskaraldiaren baitan.

Hain justu, 1.500dik gora zumaiar aritu dira belarriprest edo ahobizi rolean. 150dik gora entitatek ere parte hartu dute ekimenean, eta 250dik gora arigune izan dira herrian. Gainera, antolatutako ekimenetan herritar ugarik parte hartu dute.

Euskaraldia bihar (abenduak 4) amaituko da, eta Zumaian ere amaiera ekitaldiarekin itxiko dute hamabost eguneko ariketa. Hitzordua Beheko plazan izango da, 18:00etan. Ekitaldi laburra izango dela nabarmendu dute antolatzaileek.