Familien arteko jolasak egingo dituzte Ludotekan igande honetan

2020/01/29
Otsailaren 2an, igandean, "Familia giroan" elkartuko dira Ludotekan. Familia arteko jolasetan izen-emateko epea urtarrilaren 31n, ostiralean, amaituko da.

Ludotekan, Familia giroan egitasmoaren baitan, familien arteko jolasak egingo dituzte igande honetan. Tailerra LH1-6 bitarteko haurrentzat eta horien familientzat izango da. Haurren anai-arrebek ere parte hartu ahal izango dute tailerrean eta derrigorrezkoa izango da haurrak heldu batekin bertaratzea.

Plazak mugatuak dira eta urtarrilaren 31a (ostirala) baino lehen eman beharko da izena, Ludotekan bertan.