Haurdun daudenentzat sexualitateari buruzko bizipen tailerra emango dute ostiral honetan

2024/01/23

Yoana Azpitarte Aholkusex zerbitzuko sexologoak eta anbulatorioko emaginak dinamizatuko dute ostiraleko saioa, eta haurdunaldi fasean dagoen oro gonbidatu dute parte hartzera. 10:00etatik 11:30era elkartuko dira, Zumaiako anbulatorioko erabilera anitzeko aretoan.

Zumaiako Udalaren sexu-aholkularitzako zerbitzuko Yoana Azpitarte sexologoak, Zumaiako anbulatorioko emaginarekin elkarlanean, haurdun daudenei zuzendutako tailerra emango du ostiral honetan. Haurdunaldiaren testuinguruan sexualitatearekin lotutako hainbat gai jorratuko dituzte, besteak beste: gorputzeko bizipenak, emakumearen eredu estetikoa, sexu-eredu nagusia, topaketa erotikoak...

Gune honek aukera eskaini nahi die Zumaiako emakume haurdunei beren zalantzak, kezkak, interesak eta bizipenak ingurune seguru eta konfidentzial batean partekatu ditzaten. Helburuak dira informazio baliogarria ematea, ulermena sustatzea eta sexu-ongizatea sustatzea.

Tailerraren xehetasunak:

  • Data: urtarrilak 26, ostirala
  • Ordutegia: 10:00-11:30
  • Lekua: Zumaiako anbulatorioko erabilera anitzeko aretoa
Haurdun daudenentzat sexualitateari buruzko bizipen tailerra emango dute ostiral honetan