Kimikarin zientzia tailerra izango da urtarrilaren 2an eta 3an

2019/12/23
6 eta 12 urte bitarteko gaztetxoei zuzendutako tailerra izango da eta zientziarekin dibertitzeko helburua izango dute saioek. Tailerrean parte hartu nahi dutenek Alondegian eman beharko dute izena abenduaren 26tik 30era bitartean.

‘Kimikarin’ haurrek eta gazteek zientziarekiko duten ikusmina pizteko ekimena da. Proiektua “Learning by doing” metodologia finlandarrean oinarritua dago, zientziaren aspektu ulergarriena erakutsiz eta “Ikasketa” eta “Dibertsio” kontzeptuekin loturak sortuz.

Tailerra urtarrilaren 2an eta 3an izango da, Alondegiko Oxford aretoan, 10:30etik 12:30era.

Parte hartu nahi dutenek Alondegia kultur etxean eman beharko dute izena, alondegia@zumaia.eus helbidera idatzita edo 943861056 telefonora deituta. Pertsona bakoitzak gehienez bi partaide apuntatu ahal ditu.