Aitor Tenaren 'Hari gorritik tiraka' ikerketa-lana online eskuragarri

Hari gorritik tiraka. Herri Gaztedi  mugimenduaren esperientzia 60ko eta 70ko hamarkadetan Zumaian ikerketa lana online irakur daiteke dagoeneko. Aitor Tena Eizagirrek (Zumaia, 1999) Zumaiako Udalak ematen dituen gazte ekimenak bultzatzeko bekaren laguntzarekin egin du lana. Pasa den astean aurkeztu zuen jendaurrean, Oxford aretoan.

Liburuxkak 1960 eta 1970eko hamarkadetan Euskal Herriko hainbat herritan —tartean Zumaian— jardun zuen Herri Gaztedi mugimenduaren historia jasotzen du, ikuspegi historiko eta sozial batetik. Tenak Zumaiako belaunaldi desberdinetako kideekin elkarrizketak eginez eta iturri dokumentalak bilduz egin du ikerketa. Mugimendu honek gazteen formakuntza, ekintza soziala eta ezkerreko kristautasuna uztartu zituen Frankismoaren azken urteetan. Autorearen hitzetan, Herri Gaztedik ezkerreko kristautasuna sustatzeko beharra zuen, eta gazteak hausnarketarako eta ekintzarako prestatu nahi zituen. Kristautasunaren eta marxismoaren arteko elkargunea izan zen neurri handi batean.

Hari gorritik tiraka lana jada irakurgai dago online, eta liburutegian eskuragarri egongo da ale fisikoa, nahi duenak maileguan hartzeko.

> Irakurri Hari gorritik tiraka hemen

Albiste erlazionatuak