'Lurra, planeta sinbiotikoa' dokumentala proiektatuko dute urriaren 28an Zumaian, lehen aldiz euskarazko azpitituluekin

2021/10/22

Dokumental honetan, Lynn Margulis emakume zientzialari gazteak biologia hankaz gora jarri eta iraultza zientifiko bat abiatu zuenekoa kontatzen du John Fieldman zuzendariak.

Symbiotic Earth zientzialari menderakaitz baten istorioa da. Emakumeen ahalduntzerako eredu, Lynn Margulisek gizonezkoen eta zientziaren establishmenta borrokatu zituen, eta bere iraukortasunaren bitartez, arrakasta izan zuen. 1960ko hamarkadan, zientzialari gaztea zela, Margulis barregarri utzi nahi izan zuten sinbiosia eboluzioaren funtsezko motorra zela dioen teoria bat artikulatu zuenean. 

John Feldman zinemagileak mundu osora bidaiatu zuen Margulisen lankideekin elkartu eta galdera hau egiteko: zer gertatzen da egia aldatzen denean? Dokumental honetan, Margulisen proposamena eta garai hartan sortutako testuingurua aztertzeaz gain, klima aldaketa eta muturreko kapitalismoa eragin duen mundu ikuskera aztertzen ditu. Era berean, bizimodu iraunkorra eta sinbiotikoa bultzatzen duen bizitza ulertzeko ikuspegi berria eskaintzen du.

Ekitaldiaren urriaren 28an (osteguna) izango da, arratsaldeko 19:00etan Aita Mari zineman. Ekitaldira joateko ez da aurrez gonbidapenik hartu beharko.

Lehen aldiz euskarazko azpitituluekin

Symbiothic Earth (edo ‘Lurra, planeta sinbiotikoa) dokumentala jatorrizko bertsioan (ingelesez) eta euskarazko azpitituluekin proiektatuko da Aita Mari zineman. Filmaren proiekzio gehiago izango dira beste herrietan ere, baina honako hau izango da euskaraz egingo den proiekzio bakarra.

Filma proiektatzeko proposamena Natur Taldeko kideen eskutik iritsi da, eta beste hainbat herritarren boluntario lanarekin osatu dira euskarazko azpitutuluak.

'Lurra, planeta sinbiotikoa' dokumentala proiektatuko dute urriaren 28an Zumaian, lehen aldiz euskarazko azpitituluekin