Merkatariek igandera bitartean eman dezakete izena deskontu bonuen sisteman

“Errotaherria” kanpainaren baitako lehen ekintza gisa Udalak deskontu bonuak banatuko dizkie 18 urtetik gorako zumaiar guztiei. Deskontu txartelen kanpainan parte hartu ahal izango duten dendak honakoak izango dira: konfinamendu aldian komertzioak itxita eduki behar izan dutenak, eta irekita izanda ere, diru-sarrerak %75 edo gehiago murriztu zaizkienek. Parte hartzeko oinarriak hemen daude bilduta.

Parte hartu nahi dutenek modu telematikoan eman dezakete izena, maiatzaren 31ra bitartean. Zalantzak izatekotan 943143396 telefonora deitu eta turismoa@zumaia.eus e-mailera idatzi dezakete parte hartu nahi duten komertzioek, eta eskaera modu telematikoa egiteko zailtasunak dituztenek turismo bulegoan bertan egin dezakete eskaera.

Turismo bulegoaren ordutegia:

• Ostegunean, ostiralean eta larunbatean: 10:00-14:00 eta 16:00-18:00
• Igandean: 10:00-14:00

Deskontu txartelak, komertzioa bizi dadin

Zumaiako Udalak 20 euroko deskontu bonu bana banatuko die 18 urtetik gorako zumaiarrei. 20 euroko deskontua erabiltzeko, deskontuaren hirukoitza gastatu beharko du herritarrak. Ekimen honek 500.000 euro inguruko inpaktu zuzena ekarriko du herriko dendentzat.

Albiste erlazionatuak