Martxoaren 8ko bizipenak partekatzeko saio irekia, gaur arratsaldean Emakumeon* Etxean

Emakumeon Nazioarteko Egunaren harira antolatutako hilabete osoko programazioaren barruan, emakumeei zein gizonei zuzendutako saioa antolatu du Berdintasun Sailak. 

Saio honen helburu nagusia da Martxoaren 8aren inguruko hausnarketa eta elkarrizketa sustatzea, baita horrek egungo gizartean duen eragina aztertzea ere. Gai garrantzitsu horri buruz herritarrek dituzten iritziak, esperientziak eta ikuspuntuak partekatzeko interesa duten pertsona guztiek gonbidatu dituzte saiora.

Besteak beste, honako galderetan jarriko dute arreta:

• Nola ikusten dugu egun hori? Zer sentitzen dugu egun horretan? Zer esaten digu?
• Greba feministak ba al du eraginik Martxoaren 8an?
• Emakume eta gizonezkoek nola bizi dute egun hau?
• Sumatzen al dugu eboluziorik egun honen inguruan?
• Zure inguruko pertsonek zer diote mugimendu honen inguruan? Ikuspegi desberdinak daude?
• Martxoaren 8ak badu ondoriorik egunerokotasunean?

Saioa irekia da gaurkoa, eta herritar guztiek parte hartu dezake, generoa edo adina edozein izanda ere. Martxoaren 8ari buruz hausnartzen eta eztabaidatzen lagundu nahi duten pertsona guztiak animatu nahi ditugu jarduera honekin bat egitera. Saioa gaur arratsaldean izango da, 18:00etan Emakumeon* Etxean.

Albiste erlazionatuak