Osasun mentala feminismoaren ikuspegitik aztertzeko ikastaroa izango da ekainean
Ekainaren 2an eta 9an izango dira saioak, 18:00etatik 19:30era. Itxaso Martin antropologoak gidatuko du ikastaroa.
Maiatzaren 28an Emakumeen Osasunaren aldeko Nazioarteko Ekintza Eguna izango da. 1987ko maiatzean Costa Ricako San Josén egin zen topaketetan du jatorria, eta osasunerako eskubidea emakumeen giza eskubidea dela berresteko eta bizitzako ziklo guztietan inolako muga edo bazterketarik gabe eskuratu behar dutela berresteko eguna da ordutik.
Hori horrela, emakumeen osasunean arreta jartzeko eta ikuspegi feministatik dauden irakurketak mahai gaineratzeko, osasun mentala ikuspegi feministatik aztertzeko ikastaroa antolatu du Zumaiako Udalak. Ekainaren 2an eta 9an izango dira saioak, 18:00etatik 19:30era Gizarte Zentroan. Ikastaroa euskaraz izango da, eta parte hartzeko beharrezkoa izango da aurrez izena ematea.
Bi saiotan banatutako ikastaroa izango da, eta helburua nagusia izango da osasun mentala dagokion testuinguruan aztertzea. Horreratako, ikerketa feministek ematen dituzten tresnak erabiliz, osasun mentalaren bilakaera historiko bat proposatuko du ikastaroan Itxaso Martin dinamizatzaileak. Ikastaroan zehar, agerian geratuko da, unean uneko genero, gizarte eta kultura ereduek zeharo baldintzatzen dutela osasun mentalaren definizioa eta esperientzia.
Kasu zehatzetatik abiatuta, frankismo garaiko testuingurua eraikiko dute parte hartzaileek, eta osasuna-gaixotasuna, biomedikuntza sistema, isiltasuna eta tabua, eta ondoezari aurre egiteko agentziak eta erresistentziak izango dituzte hizpide.
Itxaso Martin idazlea eta antropologoa da. 2012an argitaratu zuen bere lehen literatur lana, Ni, Vera, eromena bezalako gai gogor zein konplexu bat jorratuz. Abiapuntu berdina du bere tesi lanak ere, Mari Luz Esteban Galarzak zuzendutako Eromena, azpimemoria eta isiltasuna(k) idazten: hutsune bihurtutako emakumeak garaiko gizartearen eta moralaren ispilu. Lan honetan lehen frankismo garaian “erotzat" hartutako eta psikiatrikoetan sartutako emakumeen eta horren inguruko isiltasuna gaia lantzen du. Garaiko gizarte eta moralak baldintzatutako rol hegemonikoa hausten zuten emakumeak psikiatrikora eramaten zituztela frogatzen du ikuspuntu feminista batetik landutako ikerketa honek.
Izen-ematea
Ikastaroan parte hartzeko beharrezkoa izango da aurrez ematea. Horretarako, berdintasuna@zumaia.eus helbidera idatzi, edo 943 86 50 25 (luz. 404) telefono zenbakira deitu beharko da.
Albiste erlazionatuak
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
Ikastaroak
- Eskola-kiroleko monitore laguntzaile izateko ikastaroko izen-ematea ostiral honetan itxiko da 2024/03/04
- Urtarrilaren 31n hasiko da ‘Zaindu Urola Kosta’ prestakuntza programaren teleformazioa 2024/01/16
- Geoparkean gidari izateko trebakuntza ikastaroa eskainiko du Euskal Kostaldeko Geoparkeak 2024/01/15
- Zaintzaileei eta zainduen familiartekoei zuzendutako ikastaroak eskainiko ditu UKUEk azaroan eta abenduan 2023/11/21
Feminismoa
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
- Zumaiako Udalaren adierazpena, Martxoaren 8an 2024/03/08
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
Berdintasuna
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
- Zumaiako Udalaren adierazpena, Martxoaren 8an 2024/03/08