Patxita Etxezarreta eta Aita Mari arteko bidegurutzeko semaforoa itzalita egongo da gaur eta bihar, konponketa lanengatik

2021/01/07

Bihar, eskola eguna izanik, ikasleak bertatik pasatzen diren ordu-tarteetan udaltzainek bideratuko dute trafikoa.

Urtarrilaren 7an eta 8an Patxita Etxezarreta eta Aita Mari arteko bideragurutzeko semaforoaren konponketa lanak egingo dituzte. Tarte horretan, itzalita egongo da semaforoa.

“Eskola bidea” proiektuaren baitan udal ordezkari eta teknikariek, herriko ikastetxeetako ordezkariek zein guraso elkarteetako kideek herrian hobetu beharreko zenbait gune identifikatzen dituzte. Aipatutako bidegurutzea da horietako bat, eta konponketa lanak egingo ditu Udalak, eskolara bidea irisgarriagoa eta seguruagoa izan dadin.

Bihar (urtarrilak 8), eskola eguna izanik, ikasleak bertatik pasatzen diren ordu-tarteetan udaltzainek bideratuko dute trafikoa.

Patxita Etxezarreta eta Aita Mari arteko bidegurutzeko semaforoa itzalita egongo da gaur eta bihar, konponketa lanengatik