Ekainaren 15etik irailaren 15era bitartean bertakoen gunean autoa uzteko ezinbestekoa izango da bertakoen txartela izatea. Errotazio altuko eta egonaldi ertaineko guneak 10:00etatik 20:00etara egongo dira indarrean, egunero. Autoa uzteko bi doako gune egongo dira (ikus mapa), eta kirol portutik herrigunera joateko txalupa zerbitzua egunero egongo da martxan.

> Ikus mapa

Bertako saltokiak indartzeko neurriak

Aldi honetan inguruko herritarrek Zumaian erosketak egitea errazteko, Gertu elkarteko saltokiek errotazio altuetako 2 orduko TAO zerbitzuaren kostua bere gain hartuko dute. TAO makinetan txartel bikoitza atera beharko dute bezeroek: bat autoan utzi beharko du, eta bigarrena dendan eman beharko du, erosketatik TAOren prezioa deskontatzeko.

Bestalde, herriko komertzioetan txartel berdea eskatzeko aukera edukiko dute bezeroek, zerbitzua erabiltzen duten bitartean autoa egoiliarren aparkalekuetan utzi ahal izateko.

Txartel berriak

Txartel berria behar dutenek (erroldan aldaketa egiteagatik, auto berria izateagatik...) bi modutan egin dezakezu eskaera:

• Online, zumaia.eus webgunean
• TAO bulegoan, aurrez aurre

TAO bulegoa

Gaiaren inguruko zalantzak argitzeko TAOren bulegora jo dezakete herritarrek:

TAO bulegoa
Kantauri 7

644 192 369 / taozumaia@iparksa.com

Uda sasoi guztian, astelehenetik ostiralera 09:00-13:30 / 17:00-19:30

>> TAO: informazio guztia

Albiste erlazionatuak