Udaltzaingoa Fielatora itzuliko da ostiral honetan, eraikina berritu ostean

2020/07/09

Urtarrila erdialdetik Moilaberriko geltokian egon da Zumaiako Udaltzaingoa, Fielatoaren eraberritze lanengatik. Uztailaren 10etik aurrera Axular ibiltokira itzuliko dira udaltzainak eta bertan eskainiko dute ohiko zerbitzua.

Fielatoa zaharkituta egonik, azken urteotan eraikina eraberritzeko beharra mahai-gainean izan da, Udaltzaingoaren jarduerak zituen beharretara egokitu eta herritarrei zerbitzu hobea eskaintzeko. Hala, 2020ko aurrekontuetan eraikina eraberritzea onartu zuten; 382.191 euroko aurrekontua izan dute eraberritze lanek.

Egungo beharretara egokitzeko barne distribuzioa erabat aldatu dute; hala, pareta, sabaia eta instalakuntza guztiak eraitsi dituzte berriak eraikitzeko, horiek egungo araudira moldatuz. Eraikinaren fatxada osoa ere eraberritu dute, eta sarrera nagusia tokiz aldatu eta erdian kokatu dute. Gainera, aurrerantzean Fielato osoa Udaltzaingoaren erabilerarako izango dela jakinarazi dute Udalaren izenean.

Hala, uztailaren 10etik aurrera Udaltzaingoa Fielatoan egongo da.

Zumaiako Udaltzaingoa

943 14 32 32

Axular ibiltokia 1

udaltzaingoa@zumaia.eus

Udako ordutegia: 6:00-22:00

Udaltzaingoa Fielatora itzuliko da ostiral honetan, eraikina berritu ostean