Urriaren amaieran zabalduko da Torreagako BOE etxebizitzen zozketan parte hartzeko izen-ematea

2025/10/16

BOE etxebizitzen zozeketa eta esleipenerako oinarriak jasotzen dituen Zumaiako Udala eta Construcciones Sukia Eraikuntzak S.L-ren arteko Hitzarmena Gipuzkoako Boletin Ofizialean argitaratu dira gaur. Bi aldeek hitzarmena sinatu eta gero zabalduko da izen-emate epea.

Gipuzkoako Aldizkari Ofizialean argitaratu dira gaur Zumaiako Udalaren eta Sukia SLren arteko hitzarmenaren oinarriak. Torreagako BOE etxebizitzen eraikuntzaren, etxebizitzen ezaugarrien eta zozketaren nondik norakoak biltzen ditu dokumentu honek.

Sinadura datorren astean zehar egingo dute bi aldeek, eta, horren ondoren, deialdia Gipuzkoako Aldizkari Ofizialean argitaratu ostean zabalduko da izen-ematea; aurreikuspenen arabera, urriaren azken astean. Epea zabaltzen denetik, interesa dutenek 15 egun balioduneko epea izango dute izena emateko.

Zehaztasun gehiago daudenean ohiko bideetatik jakinaraziko da.

Oinarriak: Torreaga 12 hirigintza eremuko 1.1/12.2 gauzatze unitateko 1.3 lursaila eta 1.8.3 azpi lursaila partzeletan eraikiko diren Babes Ofizialeko 46 etxebizitza eta garaje eta 17 trastelekuen zozketa eta esleipenerako oinarriak jasotzen dituen Zumaiako Udala eta Construcciones Sukia Eraikuntzak SL-ren arteko Hitzarmenari behin betiko onarpena.

 

Urriaren amaieran zabalduko da Torreagako BOE etxebizitzen zozketan parte hartzeko izen-ematea