Zabalik dago Aitzuri frontoiaren atzeko errepidea

2021/04/19

Nortegas enpresa gasaren desbideraketa lanak egiten ari da Aitzuri frontoiaren inguruan, eta azken asteotan itxita egon da errepidea.

Eremu horretan eraikiko da Zumaiako DBHko eraikin berria, eta partzela eraikigarria izateko, gasaren desbideraketa lanak egin behar dira lehenago. Lan horiek egiteko Udalak eta Nortegasek akordioa egin dute: Nortegas izango da sarea egitearen arduraduna, eta Udalak obra zibila egingo du. Bi hilabeteko iraupena izango dute lanek.

Nortegasek urtarrilaren erdialdean hasi zuen obra, eta otsailaren erdialdetik Aitzuri frontoiaren atzeko errepidea itxita egon da. Dagoeneko amaitu dituzte eremu horretan egin beharreko lanak, eta aurrerantzean zabalik egongo da errepidea.

Zabalik dago Aitzuri frontoiaren atzeko errepidea