Zabalik dago kultur arloko ikastaro eta tailerren lizitaziora proposamenak aurkezteko epea

2023/06/26

Eskaintzak aurkezteko azken eguna uztailaren 19a izango da. Proposamenak nola aurkeztu azaltzen duen gida prestatu du Kultur Sailak.

Zumaiako Udaleko Kultur Sailak antolatzen dituen ikastaro eta tailerrak emateko zerbitzua prozedura ireki bidez kontratatuko da aurrerantzean. Aurtengoa prozedura hori erabiliko den lehenengo urtea izanik, Kultur Sailak gida bat prestatu du, ikastaro eta tailerren proposamenak nola aurkeztu azaltzen duena.

Honakoak dira antolatzen diren ikastaro eta tailerrak:

  • Helduentzat pintura, oinarrizko zeramika, zeramika aurreratua, yoga, Qi Gong eta meditazioa, tai chi eta egur taila.
  • Jubilatu eta pentsiodunentzat yoga.
  • Haur eta gaztetxoentzat oinarrizko pintura eta haurrentzat plastika tailerrak.

Eskaintza hau urriaren hasieratik maiatza bukatu artekoa izango da. Ikasturtearen egutegia Udalaren Kultura Sailak erabakiko du urtero. Klaseak goizez eta arratsaldez eman ahal izango dira.

Eskaintzak aurkezteko azken eguna uztailak 19 (asteazkena) izango da, eta 14:30era arte aurkeztu ahal izango dira proposamenak.

> Zumaiako udaleko kultura sailak antolatzen dituen ikastaro eta tailerrak emateko zerbitzua kontratatzeko prozedura irekia

> GIDA: Nola aurkeztu proposamenak?

Zabalik dago kultur arloko ikastaro eta tailerren lizitaziora proposamenak aurkezteko epea