Zumaiako Musika eta Dantza Eskolan izena emateko aukera, ostegunetik aurrera
Tronpeta, tronpa, tronboia, bonbardinoa, pianoa, saxofoia, klarinetea, zeharkako flauta, eskusoinua, txistua, dultzaina, perkusioa eta oboea ikasteko aukera izango dute zumaiarrek. Gainera, musika tailerra, musika mintzaira, antzerkia, euskal dantza eta dantza garaikidea ere eskainiko dituzte. Matrikulazioa telefonoz edo e-mail bidez egin beharko da.
Musika eta dantza diziplinetan aukera zabala eskaintzen du Musika eta Dantza Eskolak, joera desberdinak landuz, bai bakarkako lanetan baita taldean ere. Hala nola, haurrentzako musika eta dantza tailerrak eskaintzen dira, baita dantza, antzerki, musikoterapia, harmonia, informatika musikala eta ahots teknikari lanen inguruko ikastaroak ere. Halaber, musika tresnen ikastaro ugari eskaintzen dira Eskolan, taldeka zein banaka praktikatzeko.
2021/2022 ikasturteko klaseak irailaren 13an hasiko dira, eta bihartik aurrera zenbait ikastarotan izena emateko aukera izango dute herritarrek. Hain zuzen, tronpeta, tronpa, tronboia, bonbardinoa, pianoa, saxofoia, klarinetea, zeharkako flauta, eskusoinua, txistua, dultzaina, perkusioa eta oboea ikasteko aukera izango dute zumaiarrek. Gainera, musika tailerra, musika mintzaira, antzerkia, euskal dantza eta dantza garaikidea ere eskainiko dituzte.
COVID-19aren pandemiak sortutako egoera dela eta, telefonoz (943 86 11 83 zenbakira deituta) eta emailez (musikaeskola@zumaia.eus helbidera idatzita) egin beharko dira matrikulak. Hala ere, norbaitek eskolara joan beharko balu, hitzordua hartu beharko du. Horretarako aukera izango dute herritarrek astelehenetan eta ostiraletan 11:00etatik 13:00ak arte, eta astearte, asteazken eta ostegunetan 17:30etik 19:30era.
Musika eta Dantza Eskola
Ubillos jauregia (San Jose, 14)
943 86 11 83 / musikaeskola@zumaia.eus
> Astelehen eta ostiraletan: 11:00-13:00
> Astearte, asteazken eta ostegunetan: 17:30-19:30
Musika eta Dantza Eskolaren lana urtean zehar
Musika eta Dantza Eskolak, Zumaiako gizarte eta kultur bizitza aberasteko eta dinamizatzeko asmoarekin hainbat jarduera antolatzen ditu urtean zehar: Xexili astea, inauteriak, San Telmoak, elkartrukeak, topaketak, entzunaldi eta kontzertuak, dantzari txikiak…
Pandemia egoerak behartuta aurtengoa ere ikasturte berezia izango da, baina egoerak baimentzen duen neurriko programazioa antolatuko da.
Albiste erlazionatuak
Zumaia bizitzeko da
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Goiko Plazaren plaza izaera berreskuratzeko pausoak ematen hasi da Zumaiako Udala 2024/03/21
- Nerabeen osasun mentalaz ariko dira hurrengo Guraso Eskolen saioan 2024/03/21
- Santelmoetako egitaraua aurkeztu dute herriko elkarteek eta Udalak 2024/03/21
Ikastaroak
- Eskola-kiroleko monitore laguntzaile izateko ikastaroko izen-ematea ostiral honetan itxiko da 2024/03/04
- Urtarrilaren 31n hasiko da ‘Zaindu Urola Kosta’ prestakuntza programaren teleformazioa 2024/01/16
- Geoparkean gidari izateko trebakuntza ikastaroa eskainiko du Euskal Kostaldeko Geoparkeak 2024/01/15
- Zaintzaileei eta zainduen familiartekoei zuzendutako ikastaroak eskainiko ditu UKUEk azaroan eta abenduan 2023/11/21
Kultura
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
- 'Negu hurbilak' filma asteburu honetan iritsiko da Zumaiara 2024/02/21
- 'Eterna' dokumentala eta Mejillon Tigreren poesia emanaldia, ostiralean Zumaian 2024/02/19