Zumaiako Udalak 12 lanpostu betetzeko Enplegu Publikoaren Eskaintza onartu du

2020/08/19

Enplegu Publikoaren Eskaintzaren baitan, 11 lanpostu aldi baterako enplegua egonkortzeko jardunbidearen baitakoak izango dira; kiroletako teknikariaren lan-postua, berriz, oposizio-lehiaketa bidez beteko da. Hiru urteko epearen barruan egingo ditu Udalak deialdi horiek guztiak, eta behin-behinekotasun tasa jaistea da helburua.

Tokiko Gobernu Batzordeak 2020ko uztailaren 28an 2020ko Enplegu Publikoaren Eskaintza onartu zuen. Bertan jasotako lanpostuen deialdiak hiru urteko epe luzaezinaren barruan egingo ditu Zumaiako Udalak. Erabaki honekin, udal langileen egonkortzerako pausuak eman nahi ditu Zumaiako Udalak, behin-behinekotasun tasa jaisteko.

Aldi baterako enplegua egonkortzeko Enplegu Publikoaren Eskaintzari dagokionez, honako plazei eragingo die: onartzea, honako plaza zerrenda honekin:

  1. Ingurumen teknikaria

  2. Pertsonaleko / Euskarako administraria

  3. Haur teknikari laguntzailea

  4. Ludotekako hezitzailea

  5. Administrazio Orokorreko teknikaria

  6. Informatika teknikari-laguntzailea

  7. Kulturako teknikari laguntzailea

  8. Partaidetza, Migrazio, Berdintasun eta Gazteria teknikaria.

  9. Ikastetxeko atezaina

  10. Gizarte Zerbitzuetako administraria

  11. Kirol Patronatuko gerentea

Horiek guztietan, hautatze sistema enplegua egonkortzeko jardunbide bidezko lehiaketa-oposaketa izango da.

Horrez gain, Birjarpen Tasari dagokion Enplegu Publikoaren Eskaintza onartu du Zumaiako Udalak, kiroletako teknikari lanposturako. Kasu honetan, hautatze sistema lehiaketa oposaketa izango da.

Iragarkia: 2020ko lan eskaintza publikoa

 

Zumaiako Udalak 12 lanpostu betetzeko Enplegu Publikoaren Eskaintza onartu du