Maiatzaren 13an zabalduko dute Musika eta Dantza Eskolako matrikulazioa
2024/2025 ikasturterako matrikulazioa maiatzaren 13tik 24ra bitartean egongo da zabalik. Izen-emate orria bete, eta Ubillos jauregian utzi edo e-posta bidez helerazi beharko da.
Musika eta dantza diziplinetan aukera zabala eskaintzen du Musika eta Dantza Eskolak, joera desberdinak landuz, bai bakarkako lanetan baita taldean ere. Hala nola, haurrentzako musika eta dantza tailerrak eskaintzen dira, baita dantza, antzerki, musikoterapia, harmonia, informatika musikala eta ahots teknikari lanen inguruko ikastaroak ere. Halaber, musika tresnen ikastaro ugari eskaintzen dira, taldeka zein banaka praktikatzeko.
Ikastaro horien helburua da edozein adinetako pertsonei dantza eta musikaren arloetan prestakuntza praktikoa ematea, baita lanbide-heziketarako prestaketa, interesa edo bokazioa duten pertsonei eskaintza profesionala ematea ere. Gainera, urte osoan zehar, Musika eta Dantza Eskolak, Zumaiako gizarte eta kultur bizitza aberasteko eta dinamizatzeko asmoarekin hainbat jarduera antolatzen ditu: Xexili astea, inauteriak, San Telmoak, elkartrukeak, topaketak, entzunaldi eta kontzertuak, dantzari txikiak…
2024/2025 ikasturterako matrikulazioa maiatzaren 13tik 24ra bitartean egongo da zabalik. Izen-emate orria bete, eta Ubillos jauregian utzi edo e-posta bidez helerazi beharko da.
Musika eta Dantza Eskola
Ubillos jauregia (San Jose, 14)
943 86 11 83 / musikaeskola@zumaia.eus
> Astelehen eta ostiraletan: 11:00-13:00
> Astearte, asteazken eta ostegunetan: 17:30-19:30
Webgunea: zumaiamusikaeskola.eus
Deskargatu hemen izen-emate orria
Albiste erlazionatuak
Hezkuntza
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
Kultura
- Abian da Julene Azpeitia literatur lehiaketa 2024/07/08
- Montserrat Roig idazle katalanaren 'Gerezi-denbora' eleberriarekin hasiko du ikasturtea Irakurri Matte irakurle taldeak 2024/07/03
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19