‘BERRIA zabalik’ kanpaina martxan jarriko da Zumaian

2020/11/03

Herriko merkataritza eta ostalaritza sustatzeko egitasmoa da. Hilaren 16tik aurrera hartu ahalko dute parte zumaiarrek, komertzioek izena eman eta gero.

Kanpainan parte hartu nahi duten merkatariek eta ostalariek izena eman beharko dute azaroaren 5etik 11ra, sareko formulario baten bitartez. Orduan, BERRIAlagun iragarle izango dira aurrerantzean. Horri esker, harreman zuzenean egongo dira norbanako BERRIAlagunekin.

Azaroaren 16tik 24ra, berriz, herritarren txanda iritsiko da; Zumaiako dendetan eta ostalaritzan gastua eginez gero, zozketa batean parte hartzeko aukera izango dute. Herri horretako dendetan eta tabernetan erabiltzeko 1.000 euro zozketatuko dira herritarren artean, abenduaren 1ean. Horrez gain, beste 1.000 euroko zozketa bat egingo dute kanpainan parte hartu duten saltokien eta ostalaritza lokalen artean. BERRIA egunkarian publizitatea jartzeko izango da diru kopuru hori.

BERRIAk jarri du martxan kanpaina, Zumaiako Udalarekin eta Gertu merkatari eta ostalari elkartearekin batera, eta Kutxabanken babesarekin.

Irakurri albiste osoa berria.eus webgunean

‘BERRIA zabalik’ kanpaina martxan jarriko da Zumaian